Korrika Txikia, egubakoitzean egingo dute, 18:30ean. Ibilbidea Gatz Museotik herrigunerainokoa izango da, herriko txikienek egiteko modukoa. Korrika Txikiaren ostean, ondorengo hitzordua herri-afaria izango da, eta Toki-eder elkartean 60 bat lagun batuko dira, giro ederrean euskararen aldeko afaria egiteko.
Lekuko aldaketak
Indarrak hartuta, Korrika 02:28 aldera iritsiko da: 2714. kilometroan, Korrika Gatzagan sartzean, Aramaioko Udalak hartuko du lekukoa; ondoren, 2715. kilometroan, Gure Ametsako eta Gaztainuzketako ordezkariek; 2716. kilometroan, Gorosarrik, herriko gazteek eta Sorginak Emakume Elkarteko kideek; 2717. kilometroan, Gurelek, jubilatuek eta Udalak; eta, amaitzeko, 2718. kilometroan, ehiztariek, Dorletako Amako Txirrindulariek eta Maulandakoek.