Legutiotik iritsiko diren Aramaioko Txirritola Euskara Elkartekoen partetik jasoko dute Korrikaren 24. edizioko euskararen mezua daraman egurrezko makila, eta 2.718 kilometrora arteko tartean eramango dute lekuko hori Leintz Gatzagako ordezkariek, beheranzko norabidean, Eskoriatzara iritsi arte. Goizaldean izango da hori, baina, martxoaren 27rako hainbat ekintza antolatu dituzte Korrika iritsi aurretik egiteko. Besteak beste, 21:00etan, Toki-eder elkartean afaria egingo dute herritarrek Korrika iristen denerako indarrak hartzeko.
'Korrika txikia' prestatzen
Hain zuzen ere, herriko gaztetxoek euskararekin bat egiteko Korrika Txikia egingo dute, beste hainbat ediziotan egin moduan. Hala ere, zehaztapen gehiago laster emango dituztela azaldu dute, gaur baitute bilera Gatzagako Korrikako batzordeko kideek.