93 urterekin hil da Pequeño, orain arte, Leintz Gatzagako gizonezko adinekoena. Popularra zen herrian, saltsa guztietan egoten zena, eta horren adibide da Eugenio Otsoaren eta bere buruhandiak egin zituela Udalak, aitortza gisa.
Aguazil eta zinegotzi
Aretxabaletan jaiotakoa (1932) Arkarazo auzoan, kooperatiban egin zuen lan 60 urterekin erretiratu arte. Ederlanen erretiratu zen, hain justu, baina Zerrajeran jardun zuen aurretik. Erretiratu ostean, aguazil gisa ere aritu zen Leintz Gatzagan bost urtez eta Leintz Gatzagako Hautesle Elkarteko mendi zinegotzia ere izan zen 2003-2007 agintaldian. Horrekin batera, Toki Eder elkarteko batzordeko kidea ere izan zen hainbat urtez.