Sofokaos
Sofokaos talde iruindarrak punk-rock doinuak eroango ditu Gatzagara. Antsoaingo taldeak Eromenarekin dantzan, Erlojuaren orratzak, Gutun berria, Memorian… kantuak eskainiko ditu, gehienak, riff azkarrekin betetakoak, eta ikus-entzuleak dantzan jartzeko modukoak.
Rebel Noise
Aimar Iturricastillo abeslari oñatiarrak, Oihan Azkarate baxu-jotzaile aramaioarrak, Manex Bakero bateria-jole arrasatearrak, eta Unax Iñarra eta Andoni Agirre gitarra-jotzaile eta korulari arrasatearrek osatzen dute Rebel Noise. Boskotea berriz izango da Gatzagako plazan jarriko duten oholtza gainean, eta talde gaztea den arren, gogor emateko gertu izango dira beste behin.
Berandu baino lehen
Debagoieneko Berandu baino lehen taldeak ere eskainiko du kontzertua. Euskarazko abesti propioak eta bertsioak eskainiko dituzte, distortsio handirik gabeko gitarra-hotsek lagunduta, eta kantuei erritmo azkarra emanda.
Neallta Fola
Gorka Uriarte Kanutillo-k, Karlos Lopez Karlote-k eta Ander Moreno Morenito-k borobilduko dute punk-rock festa, Gatzagan. Zenbait urtez taldea deseginda egon ostean, emanaldi batzuk eskaintzeko batu ziren, eta, orain arte bailaran eman dituzten emanaldietan demostratu duten moduan, seguru ez dutela hutsik egingo eta gustuko saioa izango dela bertaratzen direnentzako.
