Zinta moreekin herria apaindu zuten Leintz Gatzagako Sorginak Emakume Taldekoek atzoko egunean:
Ama begira zazu doinuarekin honako bertsoa kantatu zuten, Gatzagako elkarretaratzean batutakoek:
Sorginak bildu gara, Martxoak 8an
Emakumeak gara, ta goazen dantzara
Tarailaralai, ta goazen dantzara! (Bis)
Ama ez dago hemen, dauelako greban
Gaur bere egun da-ta, gaude borrokan
Trailaralai, gaude gu borrokan! (Bis)
Musika eta antzerkia asteburuan
Datozen egunetan ere izango dituzte hainbat ekintza Martxoaren 8aren baitan, Gatzagan. Martxoaren 12an, esaterako, Indai talde bergararraren emanaldia izango dute, 19:00etan, plazan. Domekan, martxoaren 14an, berriz, Luze edo Motz antzerkia izango da kultura etxean, 10:00etan. Azken honetan, edukiera mugatua denez, izena eman beharko da Labidean.
