"Beste urte batzuetan Hustu Ganbara ekimena egin izan dugu, baina, oraingoan, soilik, ipuinekin eta jostailuekin egingo dugu. Eramandakoa baldintza onean egotea eskatzen dugu, eta pieza guztiekin egon daitezela. Horiek batuko ditugu, gaur egungo neurri guztiak hartuta. Hala, batzen duguna ondo desinfektatuko dugu, eta, domekan ere hala izango gara bertan, neurri guztiak hartuta. Beraz, azokan parte hartzera animatu nahi ditugu herritarrak", adierazi dute Gureleko kideek.
Jostailu edo ipuin bakoitza entregatzen duen pertsona bakoitzari txartel bat emango diote, eta txartel horrekin, aurrerago zehaztuko duten egun batean, trukean beste jostailu bat hartzeko aukera izango dute herriko gaztetxoek.
Batutako guztia, desinfektatuta
Batutako jostailu guztien artean, trukatzen ez direnak beharra dutenei bidaliko zaizkiela ere adierazi gura izan dute guraso elkarteko kideek. "Jasotzen ditugun jostailu guztiak berrogeialdian egongo dira truke eguna iritsi arte. Hala, trukatzen ez diren jostailuak beharra dutenei bideratuko dizkiegu".
