Iritsi zaigu guri ere herrira. Denbora kontua zen, baina, leku guztietara iritsi den moduan, gurera ere etorri da. Dezente aguantatu dugu, eta kasu bakarra da; beraz, espero dut azkar errekuperatzea eta beste kasurik ez irtetea. Positibo eman duen herritarra bakartuta dago etxean, eta, gainera, oso ondo jokatu du probaren berri eman diotenetik; beraz, ez dugu larritu behar. Pazientziaz hartu behar dugu, kasu positibo gehiago atera daitezkeelako, eta lasai egon behar dugu: orain arte bezala jarraitu, neurriak hartu, eta elkar zaindu", adierazi du Eugenio Otsoa Leintz Gatzagako alkateak.
Pandemia hasi zenetik koronabirus kasurik gabeko Debagoieneko herri bakarra izan da Leintz Gatzaga, baina agertu da lehen kasua. Izan ere, Eusko Jaurlaritzak joan den egubakoitzean jakinarazitako datuen arabera, eguenean, hilaren 17an, egindako PCR probetan kasu positibo bat atzeman zuten Leintz Gatzagan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak