Laugarrenez antolatu dituzte kintoen arteko jokoak Leintz Gatzagako jaietan. Oraingoan, bost taldek parte hartuko dute eta jolas ezberdinetan nor baino nor gehiago aritu beharko dute. 2016an egin zituzten lehenengoz kintoen arteko jokoak, "herri afari aurreko giroa berotu eta jendea animatzen joateko asmotan", eta, azaldu dutenez, orokorrean, harrera oso ona izaten dute.
Emakumeak, gero eta gehiago
Bola-jokorik ere ez da faltako, urtero moduan, Leintz Gatzagan. Egubakoitzean gaueko hamaiketan hasiko dira euren abilezia erakutsi nahi dutenak jokoan. Juanito Bengoa alkateak azaldu duenez, 50 parte hartzaile inguru espero dituzte; horietatik 10 bat, emakumezkoak.
Azken hauen parte hartzea "urtetik urtera handiagoa" dela azaldu du eta datozen urteetarako "ere bide beretik jarraitzea" espero dutela kontatu du. Hala, lehen lau postuetan sailkatzen direnek 150 euro arteko diru saria edota urdaiazpikoa eskuratuko dute.
