Leintz Gatzagatik Gasteizerako errepideak itxita jarraituko du hamar bat egunez

Mirari Altube Arrese 2018ko mar. 27a, 16:16
Gatzagako lur-jausia.

Lurra-jausia izan zen, atzo arratsaldean, GI-3110 errepidean, Leintz Gatzagatik Gatzagainera bidean eta ordutik itxita dago errepide hori. Foru Aldundiko teknikariek ikuskatu dute gaur, eta inguru hartako lurrei eusteko hainbat lan hasiko dituzte bihar. Ondorioz, beste hamar bat egunez itxita egongo da bidea.

Foru Aldundiko Bide Azpiegiturak departamentutik jakinarazi dute bidea oztopatzen zuten lurrak dagoeneko kendu dituztela baina errepide bazterreko lurrei eusteko hainbat lan dagoela egin beharra, sarea eta buloiak jarri, esaterako. Bihar, martxoak 28, hasiko dira horretan.

Lanok egin ahal izateko errepideak guztiz itxita jarraituko du, hortaz, Arlabango errepidea (GI-627) eta AP-1 autobidea erabili beharko dituzte gidariek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak