Aurrekontua aztergai, eguenean

Ubane Madera 2016ko urt. 25a, 11:24

2016ean Leintz Gatzagako Udalak izango duen aurrekontua zehaztuko dute oraingo asteko eguenean. Osoko bilkura egingo du udalbatzarrak eta horixe izango da gai izarra. Batzarra goizean goiz da, ohi moduan, 08:30ean. Interesa duen edozein bertaratu daiteke, udalbatzarra publikoa da-eta.

Iaz, 467.299 euroko aurrekontua izan zuen Leintz Gatzagak; kopuru hori izan zen 2014koa baino 15.000 euro txikiagoa. Udalerriak jasotzen dituen diru-laguntzen gutxitzeak ekarri zuen aurrekontuaren kopuru orokorraren txikitzea.

Leintz Gatzaga