Udalak gatzagar guztiak gonbidatu gura ditu gaiaren gainean hausnartzera eta Udalaren proposamena ezagutzera. Berbaldi eta bilera guztiak udaletxeko osoko bilkuren aretoan izango dira.
Herritarrei proposamena
Gaur, hilak 25, Errausketari ateak ixten filma emango dute (19:00). Errauskailua zeren ondorio den eta zein ondorio dakartzan azaltzen duen dokumentala da, hain zuzen.
Eguaztenean, hilak 27, ostera, berbaldia izango dute lehenengo Zero Zabor taldeko Imanol Biain oñatiarraren eskutik (19:00). Zaborra, guk sortu, guk kudeatu izenarekin hondakinen arazo larriaren berri emango du eta Zero Zabor taldearen proposamenak azaldu gero. Ondoren (20:00), Udal ordezkariek Gatzagarako duten proposamena aurkeztuko diete herritarrei.
Baserritar eta ostalariekin batzarra
Eguenean, hilak 28, baserritarrekin elkartuko dira Udal ordezkariak (19:00). Eta egubakoitz goizean (10:30) produktoreekin, hau da, ostalaritzako kideen, Jakion kontserbagintza enpresakoen eta beste hainbaten aurrean azalduko dute proposamena.