Debagoiendarrek Eskola Publikoaren festaz "modu jasangarri, eroso eta seguruan" gozatu ahal izan dezaten, autobus zerbitzu bereziak egongo dira Bergara eta Eskoriatza artean, apirilaren 18ko egun osoan zehar. Bergaratik Eskoriatzarako autobusak 10:15ean, 11:15ean eta 12:15ean irtengo dira, eta itzulerakoak, ostera, 18:25ean, 19:25ean eta 20:25ean. Gainera, egun horretan DG10 (Bergara - Arrasate - Aretxabaleta – Eskoriatza) linearen zerbitzuak ere indartuko dira, bidaiarien eskariaren arabera.
Ordutegiak Lurraldebuseko webgunean edo erabiltzaileari arreta emateko 900 30 03 40 telefonoan kontsultatu ahal izango dira.
