Guztira, herriko hamar edukiontzi erre zituzten joan den asteburuan. Mondragon Unibertsitateko Huhezi fakultatearen alboan, Dorleta auzoan dauden edukiontziak edo Olazarren, Sorautz baserri alboan dauden edukiontziak, esaterako.
Hori horrela, Eskoriatzako Udalak asteburu honetan herrian gertatutako bandalismo ekintzak salatu eta gaitzetsi nahi ditu jendaurrean. "Guztira 10 edukiontzi erre dira, eta ekintza onartezin hauek herriari eragindako kalte ekonomikoa 13.615,77 eurokoa da. Atsekabe handiz jaso dugu albiste hau. Horrelako jarrerek ez dute lekurik gure herrian;
ez dira errespetuzkoak, ez dute elkarbizitza sustatzen eta, azken finean, gure
komunitatea ahultzen dute", azaldu dute Udal gobernuko kideek.