Uztailaren 1ean, astelehenean, Euskal Jai Egunak borobilduko ditu aurten ere San Pedro jaiak. Urteroko herritar taldea egongo da taloak egin eta saltzen, eta, aurreko urteen antzera, espero dute 25 kilo arto-irin inguru erabiliko dutela oraingoan ere taloak jotzeko. Noski, sagardoa dastatzeko aukera ere ez da faltako, 12:30etik aurrera.
13:00etan, Euskal Dantza Taldea arituko da Fernando Eskoriatza plazan erakustaldia egiten, eta ondoren, herri bazkaria egingo dute, aurten leku berri batean: Jose Arana kalean, plaza pareko errepidean.
Buruhandien lasterketarik ez
12 urtez egin izan dute egun horretan buruhandien bizikleta lasterketa, baina aurten erabaki dute ez egitea.