Eskoriatzan Energia komunitatea sortzeko lehen urratsak emateko deitu dute bilera, eta, bertara doazenek formakuntza jasotzeko aukera izango dute, Komunitate Energetikoaren ingurukoak ikasteko.
Energia komunitatea sortzea
Komunitate energetikoa, pertsona, etxe, enpresa edo erakunde talde bat da, iturri berriztagarrietatik energia sortzeko, kontsumitzeko eta, sarritan, partekatzeko elkartzen dena, elkarlanean eta modu iraunkorrean. Erregai fosilekiko mendekotasuna murrizteko eta klima-aldaketa arintzeko helburu komunak bultzatzen ditu komunitate horiek, energia-iturri garbiak eta berriztagarriak erabiltzen baitituzte, hala nola eguzki-energia, energia eolikoa, hidraulikoa edo biomasa.
Komunitate energetiko batean, kideek askotan eguzki-panelak, turbina eolikoak edo energia berriztagarriko beste instalazio batzuk instalatzen dituzte eraikin komunitarioetan edo beren jabetzetan. Sortutako energia tokiko energia-beharrak asetzeko erabiltzen da.
Komunitate horiek, herritarren parte-hartzea sustatzen dute, herritarrak ahalduntzen dituzte eta energia-independentzia sustatzen dute. Gainera, baliabideak eta ezagutzak partekatzean, energia-komunitateko kideek energia-kostuak aurreztu ditzakete, eta energia berriztagarriek klima-aldaketaren aurkako borrokan duten garrantziaren gaineko kontzientzia sustatu.
Bilerara joan ezin nahi duen interesdunentzat
Eskoriatzan horrelako komunitate bat martxan jartzea merezi duela uste eta babesa adierazi nahi duenak edota ekimen hau bultzatu nahi duenak, Aste Berdearen baitan antolatutako bilera honetan dauka aukera. Interesa eduki baina bilerara gerturatu ezin den norbait balego, eskoenergia.komunitatea@gmail.com helbidera idatz dezakeela adierazi dute antolatzaileek.
