Parte hartzeak apur bat egin du behera (-2,24 puntu) eta bozkatzera deituta zeudenen %66,29 joan da botoa ematera.
Duela lau urteko Espainiako hauteskundeetan EAJ izan zen lehen indarra. Oraingoan, EH Bildu garaitu zaie jeltzaleei, nabarmen. PSE-EEk ere gora egin du, baita PPk ere. EAJ izan da behera egin duen alderdi bakarra.
Bestalde, joan den maiatzeko Udal hauteskundeetako emaitzekin alderatuta, oraingoan parte hartzea ia 2 puntu handiagoa izan da. EH Bilduk boto asko galdu ditu, gehien (-373); EAJk ere galdu ditu botoak, baina gutxiago (-129). Eta PSE-EEk irabazi ditu boto gehien maiatzaren 28ko Udal hauteskundeekiko: 351. Sumarrek ere gora egin du, Elkarrekin Eskoriatzak lortu zituen botoekin alderatuta: 116.
