Motorrak ondo berotu arren, egitarauan aldaketak iragarri dituzte, zapatu honetan ospatuko duten Atxorrotx Kultura Elkartearen Egunerako, eguraldi txarra dagoelako iragarrita. "Puzgarriak eta talogileak ez dira batuko zapatu goizean plazan; paella-jana, kontzejupen egingo dugu, Inkernu kanpoan beharrean, eta, bazkaltzeko 110 lagun izango gara. Aurretik egitarauan ez zegoen Potx magoa, 12:00etan, izango dugu Inkernu tabernan, eta, Andoni Oilokiegi musikaria Inkernu barruan izango dugu bazkal ostean; 19:00etan, berriz, Ad Libitium-ekin txaranga izango dugu aurreikusi moduan, eta Etxeperen emanaldia, aldiz, plazan izango da karpa jarrita dagoela aprobetxatuta", adierazi dute Atxorrotx Kultura Elkarteko kideek.
Atxorrotx Kultura Elkartearen Eguna iragartzeko ezusteko kontzertua egin zuten Inkernun, joan den zapatuan. Arrakasta itzela izan zuen, izan ere, Iskanbila talde arrasatearraren itzulera kontzertuaren testigu izan ziren-eta, bertan batutakoak. Zapatu honetan, berriz, egitarauan aldaketekin dator Atxorrotx Kultura Elkartearen Eguna.
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak