Ikasten eta gozatzen, Itzartu Gazte Asanbladaren Gazte Egunean

Jokin Bereziartua Lizarazu 2023ko mar. 26a, 10:54

Egun osoko egitarauak gaueko kontzertuekin egin zuen eztanda.

Giro ederrean joan zen atzo, martxoak 25, Eskoriatzako Itzartu Gazte Asanbladaren Gazte Eguna. Parranda egiteko asmoz bai, baina herriko beste eragile batzuekin ezagutza partekatzea ere bazuen helburu atzoko egunak, "ikasten jarraitzeko". Egun osoan zehar gazte askok bat egin zuten egitarauarekin, giroak kontzejupeko kontzertuekin eztanda egin zuen arte.