Eskoriatzako Klineks musika taldeak kontzertua eskaini zuen, atzo, txosnagunean, San Pedro jaien baitan. Duela hamasei urte oholtza berdinean eskaini zuten kontzertua eskoriatzarrek, eta, urte horien ostean berriz ere emanaldia eskaintzearekin ilusioz agertu ziren musikariak.
Beraien ostean, The Clayton taldea igo zen oholtzara, eta aramaioarrek ere emanaldi aparta eskaini zuten. Atzoko programan, Tres Kuervos taldeak ere bere lehen kontzertua eman behar zuen, baina, azken orduan ez jotzea erabaki zuten, pena handiz.
Gaur, berriz, Banana Shake, Txerrikumeak eta Azken Sustraiak musika taldeen emanaldiak izango dira Santa Marinako txosnagunean, eta Fernando Eskoriatza plazan, berriz, Lehian taldearekin dantzaldia izango da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
