Agiri bidez egindako salaketan, halako ekintzek dituzten ondorioez berba egiten dute. Kostu ekonomikoaz harago, herritarrendako suposatzen duen arriskua azpimarratu dute. "Denbora asko daramagu edukiontziak eta hiri-altzariak erretzea pairatzen eta egun hauetan areagotu egin dira. Horrelako gertaerak, kostu ekonomikoez eta eragozpenez gain, arrisku larria izan daitezke ondoko etxebizitzentzat. Era berean, zentzutasunerako eta gizalegerako deia egiten dugu, kalte horiek eragin dituzten pertsonei mezu argia helaraziz", irakur daiteke oharrean.