Eskoriatzan jaio eta Gasteizen hazi zen Iñaki Encina Oyon okrestra zuzendaria bidea egiten ari da Frantziako hiriburuan. Hirugarrenez igoko da gaur zuzendari nagusi bezala Parisko Opera Nazionaleko oholtzara; urrian egin zuen debuta, eta pasa den domekan izan zuen lehen aldiz Georg Friedrich Haendel konpositorearen obra zuzentzeko aukera.
Bada, emankizun berdina eskainiko dute gaur Garnier jauregian, eta Encina bera arituko da zuzendari lanetan. XIII. mendeko konpositore alemanaren obrak barrokoko melodietatik musika garaikiderainoko abanikoa hartzen du. Arratsaldeko 19:30etatik aurrera, ia lau orduko emankizuna izango da.