Horrekin batera, Eskoriatzako Kirol Elkarteak adierazi duenez, ateak itxita jokatuko dituzte asteburuko partiduak, herrian dagoen intzidentzia-tasa altua delako.
Musika eskolako kontzertua bertan behera
Eguaztenean jakinarazi zuten Udaletik, asteburu honetan Zaldibar antzokian egitekoak ziren ikuskizunak –Leire Etxezarreta eta Pello Herizen kontzertua eta Olentzeroren gutunak antzerkia– bertan behera utzi zituztela, eta gaur, jakinarazi dute, zapatuko Musika Eskolako kontzertua ere suspenditu egin dela.
Udalak eskoriatzarrei neurri hauen egokitasuna ulertzea eta aintzat hartzea eskatzen die, guztion segurtasuna bermatzeko beharrezkoak direla iritzita. [COVID ziurtagiria eskuratzeko]