Hilaren 25ean, ludoteka apainduko dute; urriaren 26an, kalabaza hustuketa tailerra egingo dute, eta 4 eta 7 urte bitarteko haurrek gurasoekin joan beharko dutela adierazi dute. Urriaren 27an, arropa tailerra egingo dute; eta urriaren 28an, sukaldaritza tailerrean, gaileta beldurgarriak egingo dituzte.
Hitzaldia urriaren 27an
Horrekin batera, hilaren 27an, Itzalitako Gaba Beltza berpizten hitzaldia egingo du Josu Ozaita antropologoak, 19:00etan, Zaldibar antzokian. Josu Ozaita eta Jaime Altuna antropologoek egindako ikerketa lanaren berri emango du Ozaitak berak, eta, hain zuzen ere, Halloweenek eta Arimen Gauak Euskal Herrian izan duen bilakaeraren berri emango du.
Urriaren 31ko egitaraua
17:00 – Eskulanak plazan (4-7 urte)
18:00 – Sorgin edabea (bakoitzak bere edalontzia ekar dezala)
18:30 – La familia Adams pelikula, Zaldibar antzokian
18:00 – Ginkana beldurgarria (+8 urte)
19:30 – Beldurrezko ipuin kontaketa, Depositoan. Eguraldi txarra egiten badu kultur etxean
18:30 – Sua mahai jolasa, Gaztelekuan
19:30 – Beldurrezko laburmetraiak, Gaztelekuan
Gaba Beltza, ekintzaz josia
Urriaren 31n, egitarau zabala izango da: eskulanak plazan (4-7 urte), sorgin-edabea hartzeko tartea izango da, La familia Adams pelikula proiektatuko da Zaldibar antzokian, ginkana beldurgarria egingo dute 8 urtetik gorakoentzat, beldurrezko ipuin kontaketa egingo dute deposituan… Horrekin batera, gaztelekuan Sua mahai-jolasa izango dute, eta beldurrezko film laburrak ikusiko dituzte.
