Fagor Ederlan taldeko lehendakari Aitor Axpek GOIENAri azaldu dio azken hamabost egunetan hogei kasu inguru zenbatu dituztela Eskoriatzako bulego orokorretan, horietako hamar inguru zelula konkretu batean. "Elkarrengandik oso hurbil" lan egiten duten beharginen artean hauteman dira azken horiek, eta neurriak hartu dituzte.
Guztira Ederlaneko lantegi ezberdinetan ari diren 2.500 beharginetatik 66 inguru daude konfinatuta, "koronabirusarekin lotuta, baina ez derrigor positibo emanda". PCR eta antigeno probak egin dizkiete, eta segurtasun neurriak mantendu.
Azaldu du "erabakiak" hartu dituztela eta bulegoetan lan egiten duten pertsonen erdiak telelanera bideratu, kontaktua are gehiago murrizteko: "Egin dugu egin beharrekoa, antolatzen ari gara eta beharra dagoenera arte jardungo dugu hala".
Axpek gogora ekarri du pandemia hasi zenetik 210 kutsatu hauteman dituztela talde osoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
