Feminismoa aldarrikatzeko, eta Eskoriatzako emakumeak ardatz izanda, aurrera begirako ekintzak gauzatu ahal izateko atera dituzte poltsak eta kamisetak; zenbait koloretan erosi daitezke, gainera, 15 eurotan.
Naiara Errasti diseinatzaile eskoriatzarra arduratu da diseinuaz, eta, emaitzarekin "pozik", joan den zapatuan, Euskal Herriko Emakumeen Mundu Martxako Debagoieneko ekintzaren baitan, postua jarri zuten horiek saltzeko.
Aurrera begirakoak egiteko
"Kamisetak eta poltsak egitearen ideia Eskoriatzan Feminismoa Bizirik taldeko Jasonerena izan zen. Buruan gauza asko ditugu, eta horiek gauzatzeko eta dirua batzeko abiatu dugu egitasmoa", adierazi du Kristina Cardenalek.
