"Intxaurtxuetako bizilagunak batu gara, eta oinarrizko ideia batekin hasi arren, sekulako artistak daude hemen, eta handitzen joan da hasiera bateko asmoa. Gabonetako tematika ezberdinak plasmatzen saiatu gara, eta, argiak ere jarri ditugu", adierazi du Intxaurtxueta auzoan apaintzen aritu den taldeko batek.
Kontzientzia hartzea nahi da egunero sortzen dugun hondakin kopuruaz eta horrek sortzen duen ingurumen arazoaz, eta horrekin batera, beharrezko ez diren kontsumoak saihesteak duen balioaz jabetzea eta ohiko apaingarriak erabili beharrean egon daitezkeen alternatibak bilatzea.
Parte hartzeko baldintza
Establezimedu, erakusleihoa, balkoia, eskapea, eskapeko atea, lorategia, espazio publikoa, auzoa edo antzekoa apainduz parte hartu nahi duten establezimendu, auzotar talde, kuadrilla, talde edo norbanako guztiek parte hartu ahal izango dute. Baldintza bakarra da apaindutako espazioa kaletik ikusi ahal izatea. Hona hemen parte hartzeko oinarriak.
Sariak
Sariak bonotan emango dira, Eskoriatza Bizirik kanpainari atxikitako establezimenduetan gastatzeko.
- 100 euro establezimendu onenari.
- 200 euro auzogune onenari.
- 100 euro balkoi edo leiho onenari.
- 100 euro eskape onenari.
- 30 euroko 10 sari banatuko dira parte hartzaileen artean.
