Salerosketak pizteko eta egoerak kaltetutako familiei laguntzeko Eskoriatza Bizirik bonuen kanpaina bere fruituak ematen ari da. Izan ere, astelehen eta egubakoitzetan, goizez, 11:00etatik 13:30era bitartean, eta eguaztenetan, berriz, soilik arratsaldez, 17:00etatik 19:30era bitartean, bonuak saltzen ari dira Ibarraundin, eta dagoeneko 100etik gora saldu dituzte.
Bonuen kanpainan 16 establezimenduk eman dute izena, eta hauetan gastatu ahal izango dituzte bonuak herritarrek: Ile-apaindegiak: King-Marga, Ixkur, Villar, Apaindu, Kiribil, eta Kimu. Tabernak: Maulanda, Ilargi, Akeita eta Compostela. Estetika zentroak: Kuttuna, Pauxa, eta Edurne. Bestelakoak: Carmen mertzeria, Oreka eta ERAI osteopata zentroa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
