Eguenean COVID-19an positibo eman zuen eskoriatzarra hilik aurkitu dute, gaur goizean, bere etxebizitzan. Eskoriatzako udaltzainek aditzera eman dutenez positibo diren herritar guztien jarraipena egiten ari dira, eta gaurkoan harekin kontaktatzerik izan ez dutenez etxebizitzara bertaratu dira. Atea zabaltzen ez zuenez Oñatiko suhiltzaileak bertaratu dira, eta balkoitik sartu dira etxebizitzara. Behin barruan hilda aurkitu dute herritarra.
Udaltzainak, Oñatiko suhiltzaileak, Ertzaintzako agenteak eta osasun langileak egon dira Intxaurtxueta auzoko 33. atariko etxebizitzan. Auzitegiko medikuak ziurtatu du heriotza naturalarengatik hil dela.
