'Iraultza bertikala, edo zergatik ibiltzen diren gizakiak zutik' liburuaren irakurketarekin amaituko dituzte Literatura Solasaldiak

Imanol Beloki Unamuno 2020ko mai. 25a, 18:45

'Iraultza bertikala, edo zergatik ibiltzen diren gizakiak zutik' liburuaren azala.

Eguen honetan, Iraultza bertikala, edo zergatik ibiltzen diren gizakiak zutik, Ngugi Wa Thiong'o idazlearen liburuarekin amaituko dute uda aurreko azkeneko solasaldia. Idazle Keniarraren euskarazko bertsioa, Agustin Comottorten irudiekin eta Iraitz Urkuloren itzulpenarekin irakurri dutenek aukera izango dute izan dituzten sentsazioak partekatzeko.

Eskoriatzako Bibliotekak antolatuta, irakurketak Mikel Albisuk gidatu ditu, eta hala, hirugarren irakurketa honekin emango diote amaiera aurtengo Literatura Solasaldiak egitasmoari.