%40ko zerbitzua eskaintzen ari dira Tortolis ludotekan

Tortolis ludotekakoak nagusien egoitzan egon zirenekoa.

Eskoriatzako Tortolis ludotekan bideo-dei bidez jarraitu dute zerbitzua eskaintzen. Hezitzaileek ordutegia murriztu arren, gauza mordoa egiteko aprobetxatu dute, zenbait ariketa eta jolas eskainiz, eta kontaktuan jarraitu dute haur guztiekin.

"Etxean egiteko errezetak, eskulanak, ipuinak, kantuak eta bestelako zenbait ariketa dibertigarri eskaini dizkiegu Tortolis ludotekako haurrei", adierazi du Nekane Atxagak, bertako arduradunak. Horrekin batera, zerbitzua ematen jarraitzea "ezinbestekoa" izan dela gaineratu gura izan du: "Bideo-dei bidez egon gara haurrekin egunero, eta gurasoekin, berriz, Whatsappez komunikatu gara. Taldekako saioak egin ditugu, eta baita bakarkakoak ere. Batez ere, euskara errefortzua behar duten horiekin egin ditugu bakarkako saio horiek. Beraiekin dugun harremana, eta euren artean dutena jarraitzen segitzea oso inportantea dela uste dugu, eta, egoera oso berezia den arren, egokitu garela uste dut".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.