Aizkolari kantua oinarri izanda zenbait bideo grabatu zituzten, eta abestiari erantsi. Horrekin batera, Kortatu taldearen lehen diskoko azala moldatu, eta Kortazar idatzi zuten, bideoklipari hasiera emateko. Hala, Kortatu talde mitikoko abeslari ezagunari, Fermin Muguruzari, ere iritsi zaio eskoriatzarrek egindako lana, eta Facebook sare sozialean konpartitu du.
Arrakasta areagotzen
Cacereskoa den Psicopompo liburu-denda kafetegiak ere kontaktuan jarri dira Kortazar familiarekin, diskoaren azalarekin egindako muntaia gustatu egin zaielako. Hala, tamaina handian eskatu diete Kortatu diskoaren azalarekin egindako muntaia, "liburu-dendan Kortatu eta Kortazar zale amorratuak direla" adierazita.
