'Kortazar' lana garaile playback lehiaketan

Imanol Beloki Unamuno 2020ko mai. 15a, 09:42

Atxorrotx Kultura Elkarteak antolatutako playback txapelketan hamar lan aurkeztu dira, eta epaimahaiak puntu gehien eman dizkion ikus-entzunezkoa Kortazar taldeak egindakoa izan da. Bigarren sailkatua, aldiz, Yankee Go Home taldeak egindako lana izan da eta hirugarren sailkatua, berriz, Buruz Behera taldearen bideoa.

Antolatzaileak "pozik" agertu dira herritarren parte hartzearekin: "Ez genuen uste hainbeste lan jasoko genituenik, eta sorpresaz jaso dugu. Gainera, jende ezberdina agertzen da lanetan: haurrak, gazteak, familiak elkarrekin, kuadrillak… Beraz, primeran", adierazi du Juan Luis Zubizarretak, antolakuntza taldeko kide eta epaimahaikideak. Bittor Gurrutxaga Biki-k, Gema Galdonak, Borja Garridok, Edorta Barandiaranek eta Juan Luis Zubizarretak osatu dute epaimahaia, eta eszenaratzea, koreografia eta bestelako aspektuak hartu dituzte kontuan puntuazioa emateko garaian. "Epaimahaia osatu dugun bost kideok gure puntuazio pertsonala eman dugu, besteena jakin barik, eta gero, puntuazio guztiak batu ditugu".

Sailkapena

Honakoa da aurkeztutako sailkapena, hurrenez hurren:

1. Kortazar

2. Yankee go home

3. Buruz behera

4. Txanpon baten truke

5. Aukera Berriak [Saioa]

6. Olaizola

7. Goazen

8. Aukera Berriak [Eider]

9. Amantalak Etxera

10. Katedral bat

 

Herriko dendetan gastatzeko

Podiuma osatu dutenen artean, lehenengo sailkatuak 150 euro jasoko ditu; bigarren sailkatuak, 100 euro; eta hirugarrenak, 50 euro. Eta diru hori Axtroki Merkatari Elkarteko dendetan gastatzeko izango da. Hala, hasierako oinarrietan markatu moduan, herriko komertzioari bultzada emateko helburuari jarraituz.

Parte-hartzaile guztiei saria

Horrekin batera, Inkernu tabernak itxita jarraitzen duen arren, Atxorrotx Kultura Elkartearen playback txapelketan parte hartu duten talde guztiek –lehen hiru sailkatuak izan ezik– 25 euroko bonua jasoko dute eta diru hori Inkernu tabernan bertan gastatzeko izango da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak