Zaharren egoitzatik egoiliarrak ondo dauden mezua helarazi dute

Imanol Beloki Unamuno 2020ko mar. 28a, 14:57

Eskoriatzako Jose Arana zaharren egoitzakoek bideo bat egin gura izan dute famialiakoei ondo daudela adierazteko, eta animoak emateko. Bertso batekin lagunduta, argazkiak eta bideoak txertatu dituzte ikus-entzunezkoan, eta laguntzen ari diren eragile, enpresa eta herritar guztiei eskerrak emateko aprobetxatu dute.

"Zaharren egoitzan momentu honetan 31 egoiliar gaude, eta ez dago kutsatutako egoiliarrik ezta langilerik momentuz. Bisita guztiak, berriz, bertan behera geratu ziren martxoaren 9an. Oso egoera gogorra da familiakoentzat eta baita egoiliarrentzat, baina denak ulertu dute egoera zein den eta egoiliarrak animoz oso ondo daude, familiarrak animatzen", adierazi du Mireia Larrañaga Jose Arana egoitzako zuzendariak.
 
Bertsoa: Bertsoari kantua eta gitarra jartzen diona: MAITANE ARTEAGA (Erizaina Oncologñia-Gazteiz-Osakidetza).
 

Birus bat etorri dela                                                                           

diote gure etxean,                                                                    

lasaitasunezko hitzak                                                                      

kideek aho betean,                                                                             

gaiztoa omen da eta                                                                          

gaitza gure adinean,                                                                          

saltoka ba omen dabil                                                                                       

denok gaixotu nahiean,                                                                                   

 

Ba, lasai egon zaitezte                                                                                       

eta geratu etxean,                                                                              

etzaigu ta ezer falta                                                                       

hemengo ingurunean                                                                        

kantuan jardun ohi dugu                                                               

dantza giro ederrean                                                                        

elkar besarka gaitezke                                                                                      

“kristo zahar hau” amaitzean.                                                                    

 

Goizean altxatu eta                                                                            

zaintzaileek besarkada                                                                                     

bideollamada garaia                                                                        

“que novedad”, “que pasada”                                                                  

ordenagailuarekin                                                                              

hemendik at hegalkada                                                                                    

familiaren etxera                                                                                 

sekulako eskapada                                                                

 

Seme-alaba, biloba                                                                            

beti on line badaezpada                                                                 

zuek gertu sentitzean                                                                       

goxo bihotzak taupada                                                                                      

aitonak eta amonak                                                                           

hemen geldituko gara                                                                      

kontu zaharrak esatean                                                                                    

elkar babesten bait gara                                                              

 

Seme-alaba, biloba                                                                           

beti “on line” badaezpada                                                            

zuek gertu sentitzean                                                                     

goxo bihotzak taupada                                                                                      

barrenean daroagu                                                                         

zuon irri begirada                                                                                 

zuentzat maitasun hitzak                                                               

eta txalo zaparrada.                                                                       

 
Bestalde, Larrañagak gaineratu du langileak oso profesional ari direla jokatzen, eta laguntza eskaini dien guztiei eskerrak eman gura izan die."Egoera berezi hau hasi zen momentutik, eragile, enpresa eta herritar asko (bereziki haurrak) beraien laguntza eskaini digute: Mikros enpresak: soporte informatikoa eta lau portatil utzi dizkigu egoiliarrak familiekin kontaktuan mantentzeko momentu oro; Arizmendi Lanbide Heziketak eta Aretxabaletako Lanbide Eskolak: materiala (maskarillak, batak, betaurrekoak, termometroak, etab. Horrekin batera, ikus-entzunezkoa egiteko: Pauso Berriak-ek egin du bideoaren errealizazioa, herriko ikastetxeetako haurrek (Jose Arana eta Luis Ezeiza) marrazkiak, eta bertsoa Maitane Arteagak".
 
Eguenan suhiltzaileak izan ziren egoitza desinfektatzen, eta eremu komunak, sukaldea eta kanpokaldea definfektatu zuten. 
 

Eskoriatzako zaharren egoitzan desinfektatzen talde argazkia. Argazkia: Bomberos Euskadi

Eskoriatzako zaharren egoitzan desinfektatzen izan dira. Argazkia: Bomberos Euskadi

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak