Liburuak deskargatzea eta filmak eta dokumentalak ikustea eLiburutegian egin daiteke, Eusko Jaurlaritzak sortutako plataforma liburu elektronikoak, filmak eta ikus-entzunezkoak mailegatzeko.
eLiburutegiak gaztelaniazko, euskarazko eta beste hizkuntza batzuetako liburu elektronikoen bilduma zabala sortu du, eta egunean-egunean hazi eta gaurkotuz doa. Bi modutan erabil daiteke, batetik, streaming bidez; eta, bestetik, edozein motatako nabigatzaile edo sistema eragileren bitartez irakurketa digitaleko gailura deskargatuta. Horretaz gain, zinema eta ikus-entzunezkoak online ikusteko aukera eskaintzen du.
eLiburutegia zerbitzua erabiltzeko beharrezkoa da Euskadiko Irakurketa Sare Publikoko liburutegi publikoren batean alta emanda egotea. Erabiltzaile-izena eta pasahitza behar dira. Ez baldin baduzu, eskatu bibliotekan, ohiko ordutegian, telefonoz edo WhatsAppez eta emango dizute.
Intereseko telefono zenbakiak
- Telefonoa: 943 713 135
- WhatsAppa: 674 111 955
- Ordutegia: 10:30-13:00 eta 16:30-20:00
- Bibliotekako bloga
