Udalak antolatutako IV. Pintxo Lehiaketan parte hartu dute Naira, Toki-Alai, Urrestilla, Akeita eta Compostela tabernek. Compostela tabernak gertatutako Udazkeneko zaporeak izeneko pintxoaren osagaiak honako hauek izan dira: txerri-azpizuna, ahate-foie freskoa, onddoak, boilur zuria, Coca Cola, ardoa, gatz ezkatak, albaka, ezkaia eta basafruituak. Osagai horietako gutxienez hiru herrian bertan erositakoak izan behar zuten.
Compostelak jaso ditu, batetik, epaimahaiaren saria, 200 euro eta garaikurra, eta bestetik, herritarren saria, 100 euro.
