Alex Txikon alpinistaren eskutik sortu, Baleukok ekoiztu eta ETB taldearen laguntzari esker finantzatu den filma euskaraz ekoiztutakoa da, eta gaztelerazko azpitituluekin proiektatuko da. 64 minutuko iraupena du eta Pumori mendiaren magalean elur jausi batek harrapatu zituen bost mendizale euskaldun gogorarazten ditu Suku Maya gazte nepaldarraren istorioaren bitartez.
Istorio tragikoa
2001ean, Pumori mendiaren gailurrera abiatu ziren bost mendizale gazte: Beñat Arrue aizarnarra, Iñaki Aiertza aizarnazabaldarra, Aritz Artieda etxarriarra, Javier Arkauz lakunt z a r r a e t a C e s a r N i e t o iruindarra. Bidean zirela, izotz jausi batek azpian harrapatu zituen bostak 6.300 bat metrora zirela, eta bertan hil ziren; 22 eta 27 urte bitartean zituzten mendizaleek.
Istripua gertatu eta urtebetera, Nepalera joan ziren Beñat Arrue zenaren gurasoak, Arantxa Gurrutxaga eta Pello Arrue. Bi helbururekin bidaiatu zuten hara: hil ziren bost mendizaleei omenaldia egitea eta Beñat Arruek bizirik zegoela Nepalen atera zuen argazkian berarekin ageri den haurra aurkitzera. Haur hori da, hain zuzen ere, Suku Maya, dokumentaleko protagonistetako bat.
Ikus-entzunezkoaren helburua
Pumori, mendiaren alaba pelikula egin izanak helburu bikoitza du: batetik, bertan hil ziren bost euskal mendizaleen historia ezagutzea; eta, bestetik, sarreren salmenten etekinekin dirua lortzea. Hala, SOS Himalayaren bitartez Suku Mayari laguntzeko.