Antzerkia: 'Las chicas del balneario'

Eskoriatzako Ausartak antzerki taldeak 'Las chicas del balneario' lana ikusteko aukera izango da, Zaldibar antzokian, 21:00etan.

Bainuetxe batean gertatzen den istorioa interpretatuko dute Ausartak taldeko emakumeek, eta bizitza ikusteko beste modu bat dagoela ohartaraziko direla da oinarria.

Hainbat emakume, bizitzaren helduaroan aurrera doazenak, jabetzen dira aro hori ez dela ilun eta negu kolorekoa, baizik eta garai berri eta dibertigarri bat. Barre egitea, negar, sentitzea, sufritzea, gozatzea… hori da bizitzea. Bizitzaren une bakar bat bera ere alferrik galdu gabe eta umore handiz bizitzea erabakitzen dute, zer gerta ere.