Eskoriatza izeneko mugikorreko aplikazioan txertatu du Udalak jaietako aplikazioa, eta Play Store-n eta App Store-n eskuragarri dago. Lehendik jaitsita daukanak eguneratu bakarrik egin beharko du eta ohiko itxura aldatuta Sanpedroetako itxura berriarekin agertuko zaio, gainera aplikazioak ematen duen menuan lehenengoa izango da jaietakoa.
San Pedro jaietako egitaraua kontsultatu ahal izango du erabiltzaileak. Informazioa jasotzeaz gain, iritzia emateko aukera ere izango da, eta iradokizunak idazteko aukera ere izango da.
Horrez gain, azken orduko oharrak ere agertuko dira: eguraldia, egitarauko aldaketak…, besteak beste. Gainera, argazkiak ikusi eta bidaltzeko aukera ere izango da; 650 49 51 66 telefono zenbakira Whatsapp-ez bidalita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.