Nabarralde Fundazioak eta Hernani Errotzen elkarteak egindako lana da eta gidoia, dokumentazioa eta ikerketa Angel Rekaldek, Beñi Agirrek eta Miren Mindegiak egin dute. Historia aholkularitza, berriz, Jose Luis Orella Unzuek –EHUko eta Deustuko Unibertsitateko Erdi Aroko Historia katedraduna– eta Idoia Arrietak –irakaslea, Historian doktoratua– eman dute.
Atxorrotx gehiago ezagutzeko
Atxorrotx mendian, gaur egun, XVIII. mende inguruko ermita dago, eta adierazgarriak dira hango harriak; izan ere, gaztelu bat izan zenaren hondakinekin eginda dago. Beñi Agirre historialariaren esanetan: "Atxorrotxeko haitz zorrotz hura leku estrategiko bat zen, hango ikuspegia ikusgarria delako. Erdi Aroko aztarna askorik ez da agertu han, baina bai erromatarren garaikoak... Bada, ikus-entzunezko lan horrekin, Atxorrotxeko gazteluaren historian sakondu nahi izan dugu, besteak beste".
Azken proiekzioak
Datozen egunetan, 12:30ean eta 18:00etan proiektatuko da dokumentala Ibarraundin, eta zapatuan, goizeko pasea izango da soilik, arratsaldean itxita egongo delako. Azkenengo emanaldia, aldiz, ez da Ibarraundin izango: Zaldibar antzokian izango da, domekan, 19:00etan.
