Musika Banden Topaketa ospatu zen atzo Eskoriatzan eta herriko kaleetan kalejira egin ostean, kiroldegian kontzertuaz gozatzeko aukera izan zen. San Asentsioko (Errioxa), Orduñako eta Eskoriatzako bandak batu ziren, eta Manuel Muñoz kiroldegian hainbat filmetako soinu bandak entzuteko aukera izan zen: Piratas del Caribe, Star Wars…, besteak beste. Giro aparta izan zen kontzertuan, eta entzuleak zein musikariek egun ederra pasatu zuten.
Kontzertuaren aurretik, aldiz, kalejira egin zuten hiru bandek. Batzuk, herriko goiko partetik behera hasi ziren, besteak, behetik gora, eta Eskoriatzako bandak herriaren erdigunean pieza batzuk jo zituen, ondoren, Herriko Plazan elkartu arte. Hiru bandak kiroldegirako bidea hartu zuten kalejiran, eta eguraldia lagun izan ez arren, ordu erdi inguru kalean jotzeko aprobetxatu zuten.
Pozik Eskoriatzako bandakoak
Angel Bañares Eskoriatzako bandako zuzendariaren esanetan: "Egun bikaina pasa genuen. Jende asko gerturatu zen gu ikustera, eta kontzertuaren ostean afari ederra egin genuen. Hurrengo batean gu joango gara San Asentzio edo Orduñara beraiekin jotzera… eta ea hemen moduan irteten den".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
