Mari Jose Pagaldai eskoriatzarra gogoratzeko Beldurrei agur ikuskizuna zapatuan izango da Manuel Muñoz kiroldegian, 22:00etan. Herriko talde ezberdinek elkarlanean egindako lana doakoa izango da, eta pasa den domekan, entsegu orokorrean, azken orduko xehetasunak landuta, prest dute ikuskizuna.
Lili Gonzalez Hondurastik etorritako eskoriatzarrak jarri du martxan ekimena herriko hainbat elkarteren kolaborazioarekin batera, eta, ikuskizunerako dena lotuta duten arren, urduri dagoela adierazi du: "Beti dago urduritasuna, baina parte hartuko duen talde guztiarekin oso pozik nago, azken entsegua oso ondo irten zen. Beraiei eskerrak ematea besterik ez zait geratzen".
Euskaldunekin bat eginez
Gonzalezek azaldu du herritarrekin egindako lanarekin oso pozik dagoela: "Kanpotarra izanda euskaldunekin oso gustura izan naiz eta erantzun bikaina eman dute, gustura sentitu naiz". Gaineratu du datorren urtera begira halako elkarlan bat berriz egitea oso pozgarria izango zela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
