Ohitura den moduan, aurtengo perretxiko jardunaldiek ere jendea erakarri dute plazara. Atzo ume eta gurasoek batutako eta Durangoko Errotari elkartekoek ekarritako perretxikoak zeuden bertan ikusgai. Hain zuzen, atzo arratsaldean Errotarikoak aritu ziren guztiak banan-banan sailkatu eta identifikatzen. Bada, denetarikoak zeuden bertan: jangarriak, hilkorrak, txikiak, handiak...
Otarraren pisua
Erakusketa mikologiko horren bueltan, gainera, antolatzaileek otar bat perretxikoz bete dute, eta nahi zutenek aukera izan dute jokuan parte hartu eta zenbateko pisua zuen asmatzen ahalegintzeko. Bada, azkenik Santi izan da irabazlea; beraz, Jakionen produktuekin betetako otar bat eta Olaun baserrikoek emandako gazta erdi bat eraman du etxera. Otarraren pisua 1.485 gramokoa zen.
