Hiri hondakinen gaineko herri galdeketa beste behin eztabaida gai Eskoriatzako Osoko Bilkuran

Eskoriatzan, ohiko osoko bilkura egin zuten martitzenean. Azkar joan zen eta eta aurreko ez ohiko plenoan baino giro lasaiagoan. Mahai gainean jarritako gai guztiak aho batez onartu zituzten, eta galde-eskeen tartean, oposizioak zein osoko bilkuren aretoan batutako bi herritarrek hondakinen herri galdeketaren inguruko informazioa eskatu zioten Udal Gobernuari.

Oposizioak azaldu zuen informazioa falta dela-eta herriak ez dakiela zer bozkatu behar duen; eta Udal Gobernuaren erantzuna izan zen kontsultaren gaia behin eta berriz kontrastatu eta azaldu dutela. Lana batzordeetan dagoela, gainera, ez plenoetan, eta domekatik aurrera ere batzordeetan egin beharko dutela lan, galdeketan irteten dena ondo lantzeko.

Abenduaren 20ko hauteskundeak

Domekako herri galdeketatik harago, abenduaren 20ko hauteskundeetako mahaikideak aukeratzeko zozketa ere egin zuten; laster jakinaraziko zaie bertan egotea egokitu zaien pertsonei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.