Eusko Jaurlaritzaren aurrean kezka adierazteko bilkura egin dute Tesako langileek

Enplegua nahi dugu Eskoriatzan leloarekin bilkura egin dute gaur, eguaztena, Eskoriatzako Tesako langileek Eusko Jaurlaritzaren egoitza aurrean. Helburua da Tesaren egoeraz duten kezka helaraztea.

Tesaren Eskoriatzako lantegian 10:00etan hasi dute lanuztea eta autobusa hartu dute Gasteizera joateko.

ELA sindikatuaren bitartez atzo, martitzena, kaleratutako prentsa oharrean, langileek "kezkatuta" daudela diote, eta honako hau azaltzen dute: "Enpresa Batzordeak sarri eskatu dio Zuzendaritzari etorkizuna bermatuko duen plan bat. Eskoriatzan produkzioa eta gaur egun dauden lanpostu guztiak mantentzeko balioko duen plan bat". Gaineratzen dutenez, Eusko Jaurlaritzako Lan sailarekin bilera egin zuten maiatzean eta Assa Abloy multinazionalarekin egongo zirela eta gero langileekin harremanetan jarriko zirela esan zieten, baina "oraindik zain" daude Eskoriatzako langileak.

Tesako zuzendaritzak esan du ez duela gai honen inguruko adierazpenik egingo.

Erlazionatuak

Tesako langileek lanuztea egingo dute, lanpostuak kolokan ikusten dituztelako

Eskoriatza

Eskoriatzako Tesa lantegiko beharginek lanuztea egingo dute bihar, eguaztena, "lantegian gertatzen ari dena salatzeko", prentsa ohar bidez esan dut...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.