Bi laburmetraiak ikusi ondoren, mahai ingurua izango da Aitor Agiriano aktoreak gidatuta. Hala, film laburrez gozatzeaz gain, Aitor Arregiri eta Kepa Errastiri galderak egiteko aukera izango dute ikusleek. Beraien lanen xehetasunak, bitxikeriak eta beste hainbat kontu jakiteko asmoz.
Laburmetrai maratoia
Bestalde, apirilaren 17an umorezko euskal laburmetraien maratoia izango da 19:00etan Zaldibarren. Euskal Herrian egin diren umorezko hainbat lan ikusteko aukera izango da bata bestearen ondoren. Hala, beste batzuen lanak ikusiz, momentu dibertigarri bat pasatu eta bide batez, hurrengo egunerako motorrak berotzen joateko asmoz.
