Gatz zakuak utzi ditu Udalak herritarren eskura hainbat gunetan

Mirari Altube Arrese 2015ko ots. 5a, 16:30

Gatz zakua.

Egunotako tenperatura baxuak direla-eta izotza egiteko arriskua eta Udalak gatza utzi du herriko hainbat lekutan. Zakuetan dago gatz hori eta izotzaren eragozpenak ekiditeko erabili ahal izango dute.

Honako lekuotan utzi dituzte zakuak:

Beheko aldean: San Pedro auzoan eta bibliotekatik San Pedro auzorako pasabidean.
Erdigunean: Santa Ana auzoan, Akeita taberna aurrean, Olazar auzoan, plazan (Gernikako plazaren eskaileratan) eta Santa Marinako kantalean. Baita Martin fruta-denda aurrean eta Dorleta auzoan ere.
Goiko kalean: Aranburuzabalan Huhezi parean eta Olaetako eskaileratan.

Gatz hori ez dela ona jakietan erabiltzeko jakinarazi du Udalak.

Eskoriatza