Batetik, etxeko energia kontsumoa aurrezteko pausoak erakutsiko dituzte Eider Roa aholkulariak eta Gotzon Beitia elektrikariak astelehenean, hilaren 10ean, egingo duten hitzaldian (18:30): Etxeko kontsumoa aurrezteko egin beharrekoak.
Eta bestetik, eredu energetikoaren gainean hausnartuko dute Goienerreko kide den Diego Egizabalekin azaroaren 24an, 19:00etan. Hitzaldia izango da: Eredu energetikoaren aldaketarako alternatibak. Goiener kooperatibaren esperientziaren berri emango du horrek.
Etxeko kontsumoa aurrezteko aholkularitza zerbitzua ere eskainiko dute lau egunetan: azaroaren 17an eta 24an, arratsaldez (17:00-19:00); eta azaroaren 12an eta 19an, goizez (10:00-12:00).
Lantegira autoan
Bestalde, lantegira autoan joaten direnei esku-orria banatu diete jakinarazteko zenbat CO2 isurtzen duten lantegirako joan-etorrian; baita zenbat euro gastatzen duten ere. Horren helburua da hausnarketa eragitea eta ohiturak aldatzera bultzatzea.
