2014/06/05 18:00

Antzerkia

'Publikoari gorroto' antzezlana

Unibertsitateko kaperan, Eskoriatza
Gaur, eguena, antzerkia dago. Huts Teatroa konpainiak 'Publikoari gorroto' antzezlana eskainiko du unibertsitateko kaperan, 18:00etan. Debalde da horretarako sarrera. Aktore bat (Ander Lipus), bi ikusle (Miren Tirapu eta Iñaki Ziarrusta) eta agertoki bat. Besterik ez du ikusiko ikus-entzuleak. Antzezleen esatenetan, besterik ez duelako behar antzerkiak; hortik aurrera hasten den jokoan, dena da posible. Teatroari buruzko hausnarketa jostalari baten moduan hasten da obra hori, publikoarekiko keinuz eta umorez; pixkanaka, ordea, arimaren barrunbe ilunenak joango dira agertzen: krudelkeria, bortxa, botere-harremanak... giza izatearen amildegi ertzera iristeraino. Xabier Mendiguren Elizegik idatzi eta Manex Fuchsek zuzendutako lana da Publikoari gorroto.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.