Batetik, askotariko komertzioek eskainitako produktuak salduko dira bertan: hain justu ere, barazki freskoak, te eta txokolate ekologikoak, material birziklatuekin egindako apaingarriak eta berritutako bizikletak; eta hainbat produktu ere dastatu ahal izango dira azokan bertan.
Zenbat dakigu ekologiaz?
Gainera, museoan bertan familiei zuzendutako ekintzak egingo dituzte: esaterako, erronka eta proba txikiak ekologiaren inguruan zenbat dakigun ikusteko jokoak egingo dituzte.
Azokak 10:30ean zabalduko ditu ateak, eta 14:30ean itxiko ditu. Arratsaldean, ostera, dastatzeak, jokoak eta antzerkia izango dira. Horrez gain, Arizmendiko Almen guneko ikasleek egindako apaingarriak ere ikusgai egongo dira han.
Hona hemen egitaraua:
- 10:00-14:30 Azoka
- 11:00-13:00 Ekologia familian lantzeko jokoak
- 15:30-17:30 Dastatzeak eta familian lantzeko jokoak
- 18:30 Haurrendako antzerkia: Galtzagorriei to! Inaxito!