Ekolore plataforma eta Eskoriatzako Udala elkarlanean ekologiarekin lotutako prozesua antolatzen dabiltza, herria "kontzientziatu eta sentsibilizatzeko" helburuarekin; eta horren bueltan, hainbat ekintza egingo dituzte datozen asteotan. Etzi, eguaztena, da lehena: Gabonetako apaingarri ekologikoen tailerra izango dute umeek, 18:00etan, Ibarraundi museoan.
Saioak bi ordu inguru iraungo du eta debalde izango da; interesa dutenek, baina, aurretik eman behar dute izena.
Bestalde, abenduaren 11an egingo den bigarren tailerra helduei zuzenduta dago; birziklatutako materialarekin altzariak egiten ikasiko dute. 18:30ean hasiko da, eta hori ere bi ordukoa eta debalde izango da.
Hilaren 14an, azoka
Horrez gain, hilaren 14rako azoka eguna gertatzen dabiltza; produktu ekologikoak eskaintzearekin batera, familian lantzeko jokoak eta kafe, te eta dultze dastatzeak egiteko asmoa dute antolatzaileek egun horretan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak